Dalalka Israel iyo Maraykanka,taasi oo uga timid markii Xildhibaanada Argentine ay qaadeen talaabo tan la mid ah oo ay ku aqoonsanayaan Falastiin dal xor ah.
Madaxweynaha Bolivia ayaa warqad u qoray Madaxweynaha Falastiin Maxamuud Cabaas uu ku leeyahay in dalkiisu u aqoonsaday filistiin Dal xor ah oo madax banaan oo xadkiisu yahay dhulkii ay yuhuuda ka qabsatay sanadii 1967.
Wadamada reer galbeedka ayaa ku heshiiyey wax kasta oo qeexaya xornimada Falastiin in ay marka hore ogolaato Israel ,Dalka Maraykankuna ayaa had iyo Jeer wuxuu Israel ka difaacaa Qaramada midoobay Golaheeda amaanka.
Aqoonsiga Bolivia waxa uu ku soo beegmay toddobaad ka dib markii argentine iyo Brazil ay u direen beesha caalamka qoraalo ay ku sheegeen in ay aqoonsadeen dal Falastiin ah oo ay ka mid yihiin Daanta Galbeed iyo Gaza ,kuwaas oo Israel qabsatay sanadkii 1967.
Xukuumadda mareykanka ayaa toddobaadkii la soo dhaafay shaaca ka qaaday in ay ku fashilantay in Israel ay ku qanciso in joojiso dhismaha guryaha sharci darada ah ay ka wado daanta galbeed iyo magaalada Qudus.
Wasiirka arimaha dibada Israel ninka lagu magcaabo Lieberman ayaa sheegay in Israel ay ka go’an tahay in ay sii wado dhistaanka guryaha laga dhisayo degaanada Falastiin.
Madaxweynha Falastiin ayaa isaguna sheegay in aanu ku laabanayn Wad hadalkii nabada ee Israel ilaa ay ka joojiso Guryaha ay ka dhisayso degaanada Falastiin.
0 Ra'yi ka dhiibo:
Post a Comment
Halkaan Ku cabbir Ra'yigaaga adoon cidna duraynin.