Gudoomiye kuxigeenka labaad ee baarlamanka oo eedeyn dusha kaga tuuray xubnaha baarlamanka

Gudoomiye ku xigeenka labaad ee baarlamanka dowladda KMG Soomaaliya Axmed Dhimbil Rooble ayaa mushaar la’aanta baarlamanka heysata ku sheegay in ay ku timi wax qabad la’aan dhinaca xubnaha baarlamaanka ah.

Gudoomiyaha oo wareysi siiyay Hornafrik ayaa tilmaamay in baarlamanka wax shaqo ah uusan qaban mudo ku dhow hal sano taasina ay keentay in hay’adihi musharaadka bixin jiray ay la laabtaan lacagahooda.

Axmed Dhimbil ayaa ka dhawaajiyay in loo baahanyahay in dib u habeyn lagu sameeyo shuruucda u degsan baarlamanka, isalamarkaana xubnaha baarlamanka ay xil iska saaraan arimaha dalkooda.

Hadalka kasoo yeeray gudoomiye ku xigeenka labaad ee baarlamanka ayaa kusoo beegmaya maalin kadib markii xilka uu hayo loo doortay.

sidaan in la isku haysto mooyee ma sal dhigan wayday siyaasadda soomaaliya bal waan sugnaa say wax yeelaan siyaasiyiintu.
Allhoryaal
Muqdisho

Posted in: wararka